Ushbu sayt ma'lumotlarni saqlash uchun cookie-fayllardan foydalanadi. Saytdan foydalanishni davom ettirish orqali siz ushbu fayllardan foydalanishga rozilik bildirasiz.
«Bonduelle» kompaniyalar BCorpda™ sertifikatlangan
Biz «Bonduelle»da biznes nafaqat iqtisodiy jihatdan samarali bo‘lishi, balki jamiyatga ham foyda keltirishi zarurligiga ishonamiz. Barqaror rivojlanish va ijtimoiy mas’uliyat sohasidagi amaliyotlarimiz — ushbu yondashuvning yaqqol ifodasi. Aynan shuning uchun ham biz butun dunyodagi barcha bo‘linmalari BCorp™ sertifikatiga ega bo‘lgan kompaniya ekanligimizdan faxrlanamiz.
BCorp™ sertifikati nima degani?
BCorp™ sertifikati ijtimoiy va ekologik samaradorlik, biznes yuritishda shaffoflik va mas’uliyatning yuqori standartlariga javob beradigan kompaniyalarga beriladi.
BCorpda™ bo‘lish quyidagilarni bildiradi:
- iqtisodiy samaradorlikni atrof-olamga keltiriladigan foyda bilan uyg‘unlashtirish: ijtimoiy tashabbuslarga hissa qo‘shish, hamkorlar, yetkazib beruvchilar, xodimlar va mahalliy hamjamiyatlar bilan halol munosabatlar o‘rnatish, atrof-muhitga o‘z ta’sirni minimallashtirish.
- biznesdagi muvaffaqiyatga yangicha yondashadigan, uni sayyoramiz farovonligi bilan uzviy bog‘laydigan hamda o‘z biznes amaliyotlarini doimiy ravishda takomillashtirib boradigan kompaniyalarning global harakatining bir qismi bo‘lish.
Kompaniyaning BCorp™ sertifikatiga yondashuvi
BCorp™ sertifikati — barqaror rivojlanish strategiyamiz va missiyamizni amalga oshirish yo‘lidagi yana bir muhim qadam – insonlarni o‘z farovonligi va sayyoramiz salomatligi uchun o‘simlikka asoslangan taomnomani kengaytirishga ilhomlantirish.
Sertifikatlash jarayoni kompaniya faoliyatining barcha sohalarini beshta yo‘nalish bo‘yicha puxta audit qilishni o‘z ichiga oladi: korporativ boshqaruv, xodimlar bilan ishlash, mahalliy hamjamiyatlar bilan o‘zaro aloqa, mijozlar va iste’molchilar bilan munosabatlar hamda ekologik ta’sir. Reytingi maksimal 200 ballning 80 ballidan yuqori bo‘lgan kompaniyalargina BCorp™ deb hisoblanishi mumkin. Ushbu sertifikat uch yil davomida amal qiladi, shundan keyin kompaniyalar me’yorlarga rioya qilinganini yoki ular takomillashtirilganini isbotlash uchun qayta baholashdan o‘tishlari kerak. Bunday kompleks yondashuv bizga jarayonlarimizning uzluksizligi va barqarorligini kafolatlash hamda barcha manfaatdor tomonlar foydasi uchun ishlash imkonini beradi.
Doimiy takomillashuvga bo‘lgan intilishimiz
BCorp™ sertifikatini olish — asosiy yo‘nalishlarda biznes amaliyotlarimizni doimiy ravishda takomillashtirib borishimizning qonuniy natijasi:
Sifati kafolati va mahsulot xavfsizligi
Bonduelle assortimentining 98 foizi Nutri‑Score — oziq-ovqat mahsulotlarining ozuqaviy qiymatini kompleks baholash tizimi bo‘yicha eng yuqori A va B reytinglariga ega, u iste’molchilarga besh ballik shkala bo‘yicha foydali moddalar borligini yaqqol ko‘rsatib beradi, bu yerda A va B mos ravishda maksimal va yuqori ozuqaviylik hamda ozuqaviy qiymatni bildiradi.
Ekologik ishlab chiqarish
Biz atrof-muhitga ta’sirni minimallashtirish uchun barcha maydonlarimizda regenerativ dehqonchilik tamoyillari va resurslarni tejash dasturlarini izchil joriy etmoqdamiz.
Ijtimoiy hissa
Maydonlarimizning 100 foizi o‘zimiz faoliyat yuritayotgan hududlarda odamlar hayotini yaxshilashga qaratilgan ko‘ngillilik va xayriya tashabbuslarida ishtirok etadi.
Shaffoflik va etika
Biz operatsion boshqaruvning barcha bosqichlarida shaffoflikni namoyish etamiz.
Kelajakdagi maqsadlarimiz
Biznesni ijobiy o‘zgarishlarga hissa qo‘shishga undaydigan BCorp™ yondashuvi bizni ilhomlantiradi. Ushbu hamjamiyatning bir qismi bo‘lish — biz uchun katta sharaf va mas’uliyat. Biz jamoalarimiz, hamkorlarimiz va barcha manfaatdor tomonlar bilan birgalikda jamiyat farovonligi va atrof-muhit muhofazasiga salmoqli hissa qo‘shgan holda biznes rivojlanishi mumkin bo‘lgan kelajakni qurmoqdamiz. BCorp™ sertifikatini olish yo‘limiz — barcha uchun yorqinroq kelajak yaratish yo‘lidagi global missiyamizning bir odimi xolos.
Bizga qo‘shiling: keling, bu dunyoni birgalikda yanada yaxshi qilamiz!
Biz bilan bog‘laning
Murojaat uchun mavzu tanlang
